2024 жылғы 26 қарашада Қазақстан Республикасы Президентінің жанындағы Қазақстан Республикасының Ұлттық ғылым академиясы Қазақстан Республикасы Президентінің жанындағы Қазақстандық стратегиялық зерттеулер институтымен (ҚСЗИ) және Қазақстан-Британ техникалық университетімен (ҚБТУ) бірлесіп «Қазақстандағы ESG-ді тұрақты дамыту және институттандыру: Трендтер. Мәселелер. Шешімдер» дөңгелек үстел өткізді.
Қазіргі уақытта ESG тұрақты дамудың кешенді тәсілін ұсына отырып, жаһандық ауқымда шешуші рөл атқаруды. Экология, әлеуметтік жауапкершілік және корпоративтік басқару (ESG) аспектілері Қазақстанның даму стратегиясының ажырамас бөлігіне айналды.
Дөңгелек үстел аясында ғылыми және академиялық, білім беру және талдау орталықтарының, әлеуметтік кәсіпкерлік саласының, сондай-ақ даму институттарының, халықаралық және қоғамдық ұйымдардың өкілдері болып табылатын сарапшылар ESG (экологиялық факторлар, әлеуметтік жауапкершілік және корпоративтік басқару) қағидаттарын ғылыми-зерттеу институттарының, университеттердің стратегиялық мақсаттарына және шағын және орта бизнестің практикалық қызметіне енгізу мәселелерін талқылады.
Кездесуге қатысушылар ESG-ғылыми институттар мен университеттердегі трансформация, жастарды дүниежүзілік экологиялық және климаттық күн тәртібіне тартудың маңыздылығы туралы мәселелерді талқылады. Әлеуметтік кәсіпкерлер ESG жобаларын жүзеге асыру тәжірибесімен бөлісті, мысалы: қоқысты қайта өңдеу және қайталама шикізаттан бұйымдар шығару, оқыту, инклюзиясы бар балаларға шығармашылық сабақтар өткізу. Халықаралық және қоғамдық ұйымдардың өкілдері, сондай-ақ даму институттары ESG бастамалары мен ESG жобаларын қолдау мәселелерін атап өтті, сонымен қатар табысты кейстер мен алынған әлеуметтік әсерлер туралы талқыланды.
Кездесу қорытындысы бойынша қатысушылар жастарды тәрбиелеу мен кадрларды даярлау үдерістеріне ESG күн тәртібін белсенді енгізу бойынша ұсынымдар әзірлеу, сондай-ақ бизнесті өздерінің экологиялық және әлеуметтік жауапкершілігін арттыруға ынталандыру жөнінде сараптамалық пікір алмасты.
