Қазақстан Республикасы Ғылым және жоғары білім министрлігі ғылым саласындағы сыйлықақылар, мемлекеттік ғылыми стипендиялар алуға арналған конкурс (бұдан әрі - Конкурс) жариялайды:

https://www.gov.kz/memleket/entities/science/press/news/details/1095104?lang=kk

Конкурсты өткізу Қазақстан Республикасы Ғылым және жоғары білім министрінің міндетін атқарушының 2023 жылғы 14 қыркүйектегі № 466 бұйрығымен бекітілген ғылым саласындағы сыйлықтарды, мемлекеттік ғылыми стипендияларды беру қағидаларына сәйкес жүзеге асырылады (https://adilet.zan.kz/rus/docs/V2300033417), Қазақстан Республикасы Білім және ғылым министрінің 2021 жылғы 14 қазандағы № 517 бұйрығымен бекітілген ғылым саласындағы сыйлықтарды беру үшін жұмыстарды іріктеу өлшемшарттарымен және мемлекеттік ғылыми стипендияларды тағайындауға кандидаттарды іріктеу өлшемшарттарымен (https://www.gov.kz/memleket/entities/sci/documents/details/725692?lang=kz) және Қазақстан Республикасы Білім және ғылым министрінің 2020 жылғы 11 маусымдағы № 242 бұйрығымен бекітілген «Ғылым саласындағы сыйлықтарды, мемлекеттік ғылыми стипендияларды алуға ұсынылған жұмыстарды қабылдау» мемлекеттік қызметін көрсету қағидаларына сәйкес жүзеге асырылады (https://adilet.zan.kz/rus/docs/V2000020852).

Сыйлықақылар мен мемлекеттік ғылыми стипендияларды беруге арналған конкурстарға ғылым саласындағы сыйлықақыларды, мемлекеттік ғылыми стипендияларды беру қағидаларының 3-тармағында көрсетілген ғалымдар мен ғылыми қызметкерлер болып табылатын Қазақстан Республикасының азаматтары қатысады.

Ғылым саласындағы сыйлықақыларға, мемлекеттік ғылыми стипендияларға үміткерлердің жұмыстарын қабылдау «Ұлттық инновациялық жүйенің Бірыңғай терезесі» ақпараттық жүйесі арқылы электрондық форматта жүзеге асырылады.

Сыйлықақы алуға өтінім беру: https://astanahub.com/ru/l/awards

Мемлекеттік ғылыми стипендия алуға өтінім беру: https://astanahub.com/ru/l/scholarships

Қазақстан Республикасының қолданыстағы заңнамасына сәйкес, ғылым саласындағы сыйлықтарға, мемлекеттік ғылыми стипендияларға үміткерлердің жұмыстарын қабылдауды «Қазақстан Республикасы Президентінің жанындағы Қазақстан Республикасының Ұлттық ғылым академиясы» КЕАҚ осы хабарландыру жарияланған күннен бастап 30 (отыз) күнтізбелік күн ішінде жүзеге асырады.

Ғылым саласындағы сыйлықақылар, мемлекеттік ғылыми стипендиялар Қазақстан Республикасы Ғылым және жоғары білім министрінің 2023 жылғы 4 тамыздағы № 389 бұйрығымен бекітілген (https://adilet.zan.kz/kaz/docs/V2300033264):

жаратылыстану ғылымдары саласындағы үздiк ғылыми зерттеуі үшiн Қ.И.Сәтбаев атындағы бір сыйлық;

гуманитарлық ғылымдар саласындағы үздiк ғылыми зерттеуі үшiн Ш.Ш.Уәлиханов атындағы бір сыйлық;

педагогика саласындағы үздiк ғылыми зерттеуi мен жұмысы үшiн Ы.Алтынсарин атындағы бір сыйлық;

түркология саласындағы аса зор жетістіктері үшін Күлтегін атындағы бір сыйлық;

жаратылыстану ғылымдары саласындағы үздiк жұмысы үшiн жас ғалымдарға арналған Д.А.Қонаев атындағы бір сыйлық;

гуманитарлық ғылымдар саласындағы үздiк жұмысы үшiн жас ғалымдарға арналған М.О.Әуезов атындағы бір сыйлық;

75 мемлекеттік ғылыми стипендия, оның ішінде қырық жасты қоса алғанда талантты жас ғалымдар үшін 50 мемлекеттік ғылыми стипендия.

Ғылым саласындағы сыйлықақылар алуға арналған конкурсқа мынадай құжаттар ұсынылады:

1) монографиялар, монографиялардағы тараулар, мақалалар, шолулар, патенттер, авторлық куәліктер түріндегі ғылыми жұмыс (бестен аспауы тиіс);

2) жұмыстың мазмұны, зерттеулердің өзектілігі мен жаңалығы, негізгі ғылыми нәтижелері, олардың маңыздылығы мен одан әрі пайдалану мүмкіндігі баяндалатын жұмыстың сипаттамасы (баспа бетінің жартысынан аспайтын);

3) жұмысты ұсынған ұйымның консультативтік-кеңесші органы отырысының хаттамасынан үзінді;

4) сыйлықақы алуға үміткердің негізгі жұмыс орнынан анықтама;

5) сыйлықақы алуға үміткердің шығармашылық үлесін көрсете отырып, оның ғылыми қызметінің қысқаша сипаттамасы (ұжымдық жұмыстар үшін);

6) конкурсқа ұсынылған жұмыстың бұрын республикалық бюджет қаражатынан төленетін сыйлықақыларға ие болмағанын куәландыратын жұмысты ұсынған ұйымнан анықтама;

7) енгізу актісінің көшірмесі (бар болған жағдайда);

8) қолданыстағы жиырма таңбалы карталық шот туралы хабарлама.

Осы тармақтың 4), 5) және 6) тармақшаларында көрсетілген құжаттар сыйлықақы алуға үміткер жұмыстан босатылған кезде оның соңғы жұмыс орнынан ұсынылады.

Мемлекеттік ғылыми стипендиялар алуға арналған конкурсқа мынадай құжаттар ұсынылады:

1) ұйымның консультативтік-кеңесші органының дәлелді өтінішхаты (ұсынымы);

2) мемлекеттік ғылыми стипендия алуға үміткердің негізгі жұмыс орнынан анықтама;

3) мемлекеттік ғылыми стипендия алуға үміткердің соңғы бес жылдағы ғылыми жарияланымдарының тізімі, сондай-ақ олардың ең маңыздыларының (бестен аспайтын) баспа-таңбасы;

4) енгізу актісінің көшірмесі (бар болса);

5) ғылыми жобалар мен бағдарламаларға басшылықты растайтын құжаттар (бар болса, талантты жас ғалымдарға мемлекеттік стипендия ізденушілер үшін талап етілмейді)

6) Қазақстан Республикасында философия докторы (PhD) немесе бейіні бойынша доктор (бар болса, талантты жас ғалымдарға мемлекеттік стипендия ізденушілер үшін талап етілмейді);

7) халықаралық ынтымақтастықты растайтын құжаттар (бар болса, талантты жас ғалымдарға мемлекеттік ғылыми стипендия ізденушілер үшін ғана);

8) қолданыстағы жиырма сандық карталық шоты туралы хабарлама.

Отандық баспа шығарған монография бойынша баспа мәтінінің екі бетіне дейінгі көлемде аннотация, титулдық парақтың көшірмесі, шығыс деректері және кемінде екі рецензия ұсынылады. Шетелдік баспа шығарған монография бойынша баспа мәтінінің екі бетіне дейінгі көлемде аннотация, титулдық парақтың көшірмесі және шығыс деректері ұсынылады.

Байланыс үшін:

Қазақстан Республикасы Президентінің жанындағы «Қазақстан Республикасының Ұлттық ғылым академиясы» КЕАҚ:

+7 727 3382449

+7 708 6529190

+7 776 0578115

+7 700 0483736

Техникалық қолдау (Ақпараттық жүйемен байланысты мәселелерге қатысты):

+7 777 522 0247

1818

Жиі қойылатын сұрақтарға жауаптар:

Ғылым саласындағы сыйлықақыға және мемлекеттік ғылыми стипендияға өтінімдерді бір мезгілде беруге бола ма?

Қазақстан Республикасының Ғылым және жоғары білім министрінің міндетін атқарушының 2023 жылғы 14 қыркүйектегі № 466 бұйрығымен бекітілген Ғылым саласындағы сыйлықақыларды, мемлекеттік ғылыми стипендияларды беру қағидаларында (https://adilet.zan.kz/kaz/docs/V2300033417) ғылым саласындағы сыйлықақы мен мемлекеттік ғылыми стипендияға бір мезгілде өтініш беруге шектеу қарастырылмаған.

Өтінімдегі дәлсіздіктер мен қателерді жоюға бола ма?

Иә, ол үшін жеке кабинетте өтінімді кері қайтарып алуға арналған батырма бар.

Монографиялар мен монографиялардағы тарауларға қойылатын талаптар бар ма?

« Ғылым саласындағы сыйлықтарды, мемлекеттік ғылыми стипендияларды алуға ұсынылған жұмыстарды қабылдау» мемлекеттік көрсетілетін қызмет қағидаларына 4-қосымшаға сәйкес:

Монографияларда, монография бөлімдерінде, мақалалар мен шолуларда авторлар аффилиация ретінде Қазақстан ұйымын немесе Қазақстан Республикасын көрсетуі тиіс. Монографияның (оның ішінде бөлім жарияланған монографияның да) қысқаша сипаттамасы мен мазмұны ресми веб-сайтта орналастырылып, оны қайдан сатып алуға немесе оқуға болатыны туралы ақпарат қолжетімді болуы қажет.

Сыйлық алуға үміткердің ғылыми қызметінің қысқаша сипаттамасына жұмысты ұсынған ЖОО проректорымен немесе ҒЗИ директорының орынбасарымен бекітілуі мүмкін бе?

Жұмысты ұсынған ұйым басшысының міндеттерін атқарған жағдайда немесе оның ұйым басшысынан сенімхаты болған жағдайда ғана мүмкін.

Ғылым саласындағы сыйлықақыға ұсынылған жұмыстың барлық авторларының әрқайсысы 5 негізгі ғылыми жарияланымдарын қоса бере ала ма?

Жоқ, «Ғылым саласындағы сыйлықақыларды, мемлекеттік ғылыми стипендияларды алуға ұсынылған жұмыстарды қабылдау» мемлекеттік көрсетілетін қызмет қағидаларына 4-қосымшаның 8-тармағына сәйкес, ғылым саласындағы сыйлықақыларды алу конкурсына монографиялар, монографиялардағы тараулар, мақалалар, шолулар, патенттер, авторлық куәліктер түріндегі ғылыми жұмыстар (бестен аспайтын) ұсынылады.

Мемлекеттік ғылыми стипендияға үміткердің жарияланымдар тізімінде оның соңғы 5 жылдағы барлық жарияланымдарын көрсетуге бола ма?

Иә, мүмкін. Алайда, соңғы бес жылдағы жұмыс нәтижелері бойынша жарияланған және үміткердің анкетасында көрсетілген бестен аспайтын негізгі ғылыми жарияланымдары ғана бағаланады (монографиялар, монографиялардағы тараулар, мақалалар, шолулар, қорғау құжаттары).

Мемлекеттік ғылыми стипендияға үміткер анкетада Қазақстан Республикасында соңғы бес жылда философия докторы (PhD) немесе бейіні бойынша доктор дәрежесі берілген бірнеше дайындалған кадрды көрсете ала ма?

Жоқ, жүйе тек бір докторлық дәреже иегерін көрсетуге мүмкіндік береді.

Мемлекеттік ғылыми стипендияға үміткер халықаралық ынтымақтастықты қалай растай алады?

Халықаралық ынтымақтастықты растайтын құжаттарды басқа құжаттарды жүктеуге арналған өріске (мысалы, архив түрінде) қоса жүктеуге болады.

Ұйымның консультативтік-кеңесші органының дәлелді өтінішхатында (ұсынымында) ізденушінің ғылыми қызмет бағдарламасы болуы керек пе?

Иә, «Ғылым саласындағы сыйлықтарды, мемлекеттік ғылыми стипендияларды алуға ұсынылған жұмыстарды қабылдау» мемлекеттік көрсетілетін қызмет қағидаларына 6-қосымшаның 1-тармағына сәйкес, уәжді өтінішхатта ұсыну сәтіндегі ізденушінің ғылыми қызмет бағдарламасы туралы, күтілетін нәтижелерді және олардың ғылыми және қолданбалы маңыздылығын көрсете отырып, мәліметтер қамтылуға тиіс.

Мемлекеттік ғылыми стипендияға кандидаттың негізгі жұмыс орнынан анықтамаға қандай талаптар бар?

«Ғылым саласындағы сыйлықтарды, мемлекеттік ғылыми стипендияларды алуға ұсынылған жұмыстарды қабылдау» мемлекеттік көрсетілетін қызмет қағидаларына 6-қосымшаның 2-тармағына сәйкес, ізденушінің негізгі жұмыс орнынан (оқу орнынан) берілетін анықтамада келесі мәліметтер көрсетіледі:

1) тегі, аты, әкесінің аты (ол болған жағдайда);

2) туған жылы, айы, күні;

3) негізгі жұмыс (оқу) орны және атқаратын лауазымы;

4) ғылыми және педагогикалық жұмыс өтілі немесе оқу жылы (докторанттар үшін);

5) ғылыми дәрежесі және оны алған уақыты;

6) үй және қызметтік мекенжайы, телефон нөмірлері, электрондық пошта мекенжайы.

Анықтамаға ізденуші қол қояды және толтыру күнін көрсете отырып, негізгі жұмыс (оқу) орны бойынша кадр бөлімі қызметкерінің қолымен куәландырылады.

Ақпараттық жүйе арқылы авторлар ұжымы ғылым саласындағы сыйлықақыға жұмысты қалай тапсыра алады?

Авторлар ұжымы бір авторды тағайындауы қажет, ол ақпараттық жүйеде өтінімді жасайды, оған барлық бірлескен авторларды қосады, барлық қажетті өрістерді толтырады және барлық қажетті құжаттарды қоса береді. Бірлескен авторлар жұмыс авторлығын және өз деректерін растауы қажет, содан кейін құжаттарды тапсыруға тағайындалған автор өтінімге қол қойып, оны жіберуі керек.

Әрбір бірлескен авторға жеке өтінім беру қажет емес.

Мемлекеттік ғылыми стипендияларға үміткерлер мемлекеттік ғылыми стипендияны алуға ұсыну туралы консультативтік-кеңесші орган отырысы хаттамасынан үзінді көшірмені қоса беруі қажет пе?

Жоқ, бұл үзінді көшірме мемлекеттік ғылыми стипендияларды алуға ізденушілер үшін құжаттар тізбесінде жоқ. Ұйымның консультативтік-кеңесші органынан тек дәлелді өтінішхат (ұсыным) талап етіледі.

Мақала оның идентификаторы (DOI немесе басқа) бойынша ақпараттық жүйеде табылмаса, оны тізімге қосу мүмкін бе?

Жарияланым туралы ақпаратты ізденуші өз бетінше толтыра алады. Жарияланым үшін берілетін баллды конкурс комиссиясы анықтайды.

Мемлекеттік ғылыми стипендияны алуға үміткер докторлық диссертацияны қорғағанға дейін жариялаған өзінің ғылыми жұмыстарын қоса ала ма?

Иә, Ғылым және жоғары білім министрінің міндетін атқарушының 2023 жылғы 14 қыркүйектегі № 466 бұйрығымен бекітілген Ғылым саласындағы сыйлықтарды, мемлекеттік ғылыми стипендияларды беру қағидаларында (https://adilet.zan.kz/kaz/docs/V2300033417) және Қазақстан Республикасы Білім және ғылым министрінің 2021 жылғы 14 қазандағы № 517 бұйрығымен бекітілген Мемлекеттік ғылыми стипендияларды тағайындауға кандидаттарды іріктеу шарттарында (https://online.zakon.kz/m/amp/document/39074947) ізденушілердің докторлық диссертацияны қорғағанға дейін жариялаған ғылыми жұмыстарын қосуға шектеулер жоқ.

Ақпараттық жүйеде ғылым саласындағы сыйлықақыларды алуға ұсынылған жұмыстың қысқаша аннотациясын жүктеуге арналған өріс жоқ. Оны қалай қоса беруге болады?

Қысқаша аннотациядағы ақпарат ақпараттық жүйедегі келесі өрістерге енгізіледі: «Жұмыстың қысқаша сипаттамасы», «Жұмыстың ғылыми жаңалығы және алынған нәтижелердің ғылым үшін маңыздылығы» және «Алынған нәтижелердің практикалық маңыздылығы». Файлды қоса беру талап етілмейді.

Монографияның бірнеше томын бірнеше жеке жарияланым ретінде беруге бола ма?

Бұл мүмкіндік талаптармен қарастырылмаған.

Постдокторанттар мен «Жас ғалым» жобаларының жетекшілері мемлекеттік ғылыми стипендиялар конкурсына қатыса ала ма?

Ғылым және жоғары білім министрінің міндетін атқарушының 2023 жылғы 14 қыркүйектегі № 466 бұйрығымен бекітілген Ғылым саласындағы сыйлықтарды, мемлекеттік ғылыми стипендияларды беру қағидаларында (https://adilet.zan.kz/kaz/docs/V2300033417) постдокторанттар мен «Жас ғалым» жобаларының жетекшілері үшін шектеулер жоқ.

Мақаланың Web of Science және Scopus деректер базасында дәйексөз келтіру саны бойынша Топ 1% немесе Топ 10%-ға кіретінін қалай тексеруге болады?

Мақаланың Web of Science және Scopus деректер базасында дәйексөз келтіру саны бойынша Топ 1% немесе Топ 10%-ға кіретінін InCites және SciVal аналитикалық құралдарының көмегімен тексеруге болады.

Енгізу актілерін ресімдеуге қандай талаптар бар?

Қолданыстағы «Ғылым саласындағы сыйлықақыларды, мемлекеттік ғылыми стипендияларды алуға ұсынылған жұмыстарды қабылдау» мемлекеттік көрсетілетін қызмет қағидаларында енгізу актілерін ресімдеуге қойылатын талаптар жоқ.

Хабарламалар

Ғылым саласындағы сыйлықақылар, мемлекеттік ғылыми стипендиялар алуға арналған конкурс