Қазақстан Республикасы Ғылым және жоғары білім министрлігі 2025 жылғы 29 желтоқсанда «2025 жылғы ғылым саласындағы сыйлықтар мен мемлекеттік ғылыми стипендияларды тағайындау туралы» Қазақстан Республикасы Ғылым және жоғары білім министрінің № 596 бұйрығын жариялады:

https://www.gov.kz/memleket/entities/sci/documents/details/943864?lang=kk
https://www.gov.kz/memleket/entities/sci/documents/details/943864?lang=ru

2025 жылғы ғылым саласындағы сыйлықақылар мен мемлекеттік ғылыми стипендиялар алуға арналған конкурс қорытындылары шығарылды. Конкурс нәтижелері бойынша ғылым саласында 6 сыйлықақы және 75 мемлекеттік ғылыми стипендия (оның ішінде 50 – дарынды жас ғалымдарға) тағайындалды.

Жалпы жүйе арқылы ғылым саласындағы сыйлықақыларға үміткерлерден 132 өтінім және мемлекеттік ғылыми стипендияларға үміткерлерден 1078 өтінім келіп түсті, оның ішінде сараптамаға тиісінше 108 өтінім (2024 ж. – 101) және 1019 өтінім (2024 ж. – 842) жолданды. Сараптамаға өтінімдердің ең көп саны Д.А. Қонаев (34), Қ.И. Сәтбаев (24) және Ш.Ш. Уәлиханов (24) атындағы сыйлықақылар бойынша түсті. Мемлекеттік ғылыми стипендиялар бойынша сараптамаға ең көп өтінімдер жаратылыстану ғылымдары – 311 (оның ішінде 212 – дарынды жас ғалымдар үшін), инжиниринг және технологиялар – 277 (184) және әлеуметтік ғылымдар саласына – 141 (71) түсті.

Өтінімдерді қарау ғылым саласындағы сыйлықақылар мен мемлекеттік ғылыми стипендияларды тағайындау үшін жұмыстарды іріктеудің белгіленген критерийлері мен шарттарына сәйкес академиктерден, жетекші ғалымдар мен ғылымның әртүрлі салаларындағы мамандардан, сондай-ақ мемлекеттік органдар өкілдерінен құралған конкурс комиссиясы тарапынан жүзеге асырылды.

Барлық қатысушыларға көрсеткен қызығушылығы мен ұсынылған жұмыстардың жоғары деңгейі үшін алғыс білдіреміз.

Ескерту: Қатысушылар ақпараттық жүйедегі жеке кабинеттері арқылы өздерінің жеке баллдарымен таныса ал>ады.

Link to the order:https://drive.google.com/file/d/1a1KYobiqVWUQJNPoRTO6wlc6ks8B9bB2/view

Хабарламалар

2025 жылғы ғылым саласындағы сыйлықақылар мен мемлекеттік ғылыми стипендияларды тағайындау конкурсының қорытындылары туралы