ҚР Президентінің жанындағы ҚР Ұлттық ғылым академиясы ҚР Ғылым және жоғары білім министрлігі ҚР ҒЖБМ Ғылым комитеті/Комитет науки МНВО РК / жасалған келісімшарт аясында, Egov.kz eGov Mobile платформасында қоғамның және мемлекеттік басқару органдарының ғылыми әдістеме, ғылыми білім мен әзірлемелердің артықшылықтарын түсінуін, сондай-ақ қоғамның отандық зерттеушілерге деген қарым-қатынасы мен сұраныстарын бағалау бойынша сауалнама жүргізді.
Бұл сауалнамаға 20 448 респондент қатысты, олардың арасында: 23,4% – «Уақытша жұмыссыз»; 23,2% – «Компания қызметкерлері (ғылыми немесе білім беру мекемелерінен басқа)»; 14,4% – «Басқа»; 12,3% – «Білім беру ұйымының қызметкерлері (мектеп, оқу орталығы, т.б.)»; 10,4% – «Жеке кәсіпкер/өзін-өзі жұмыспен қамтыған»; 9,9% – «Мемлекеттік қызметші»; 4,6% – «Студент»; 1,9% – «Ғылыми ұйымның қызметкерлері (университет/ҒЗИ)».
80,1% респонденттер «Ғылыми зерттеулер менің өмірімде маңызды рөл атқарады» деген тұжырымға («Жауап беруге қиналамын» дегендерді есептемегенде) «Келісемін» және «Көбінесе келісемін» деп жауап берді.
55,0% – «Қазақстандық ғалымдардың ғылыми зерттеулерінің нәтижелерін өзімнің кәсіби қызметімде қолданамын»
37,1% – «Менің ұйымым қазақстандық ғалымдардың ғылыми зерттеулерін қаржыландырады немесе тапсырыс береді»
88,7% – «Ғылыми білімдер ең сенімді болып табылады»
85,6% – «Ғылыми зерттеулер тікелей нәтиже бермесе де, маңызды»
91,9% – «Ғылыми білім мен әзірлемелер экономиканың өсуі және өмір сапасын арттыру үшін маңызды»
90,8% – «Елдегі жоғары білімінің сапасы оның ғылым деңгейіне байланысты»
53,2% – «Қазақстандық ғылыми зерттеулер сапалы орындалады»
66,4% – «Қазақстандық ғылым елдің тұрақты дамуына үлес қосады»
54,5% – «Қазақстанның мемлекеттік органдары өз шешімдерінде ғылыми білім мен әзірлемелерге сүйенеді»
60,2% – «Қазақстанның университеттері мен ғылыми ұйымдары соңғы 10 жылда халықаралық деңгейде бәсекеге қабілетті бола түсті»
88,0% – «Ғалымдар қоғамдық-саяси өмірге белсендірек қатысуы керек»
94,9% – «Ғылым мемлекет тарапынан неғұрлым көп қолдануықажет»
«Қоғамда проблемалар туындаған кезде кімнің пікірі сізде ең үлкен сенім тудырады?» деген сұраққа 44,5% - салалық мамандарды, 23,3% - ғалымдарды, 12,7% - туыстарды, достарды, жақындарды, 8,3% - билік өкілдерін, 3,7% - журналисттерді, 3,7% - блогерлерді, 3,4% - діни көшбасшыларды, 0,5% - шоу-бизнес өкілдерін таңдады.
«Антибиотиктер вирустар мен бактерияларды өлтіреді» деген тұжырымға дұрыс жауап нұсқаларын («Қате» немесе «Көбінесе қате») респонденттердің 22,5%-ы («Білмеймін» нұсқасын есептемегенде 25,2%-ы) берді.
«Электрондар атомдардан кіші» деген тұжырымға дұрыс жауап нұсқаларын («Дұрыс» немесе «Көбінесе дұрыс») респонденттердің 58,2%-ы («Білмеймін» нұсқасын есептемегенде 79,4%-ы) берді.
«Баланың жынысы көбінесе анасының гендеріне байланысты» деген тұжырымға дұрыс жауап нұсқаларын («Қате» немесе «Көбінесе қате») респонденттердің 49,7%-ы («Білмеймін» нұсқасын есептемегенде 65,0%-ы) берді.
«Ғылыми теориялар өзгермейді» деген тұжырымға дұрыс жауап нұсқаларын («Қате» немесе «Көбінесе қате») респонденттердің 49,7%-ы («Білмеймін» нұсқасын есептемегенде 56,7%-ы) берді.
Осы сауалнама нәтижелері бойынша ғылым қоғам үшін аса маңызды екендігі анықталды. Дегенмен, ғалымдар зерттеулердің сапасын арттыруға, қоғамдық-саяси өмірге белсене қатысуға, елдің тұрақты дамуына қосатын үлесін ұлғайтуға, білім беру сапасын көтеруге барынша күш салуы қажет. Ал мемлекет өз тарапынан ғылымды қолдауды күшейтіп, зерттеу нәтижелерін шешім қабылдау барысында кеңінен қолдануға тиіс.
Қазақстан Республикасы Президентінің жанындағы Ұлттық Ғылым Академиясы осы сауалнаманы жүргізуге Egov Mobile платформасын пайдалануға мүмкіндік бергені үшін ҚР Цифрлық даму, инновациялар және аэроғарыш өнеркәсібі министрлігіне алғысын білдіреді.
