Қазақстан Республикасының Жоғары аудиторлық палатасы ғылыми саланы жүйелі түрде жетілдірудің маңыздылығын атап өтіп, ҚР Ұлттық ғылым академиясының ғылымды дамытуға және елдің ғылыми-технологиялық саясатына жаңа тәсілдерді енгізуге бағытталған бірқатар бастамаларын қолдады.

ҚР Ұлттық ғылым академиясының президенті Ақылбек Күрішбаев өз сөзінде ғылымды дамытудың негізгі бағыттарын атап өтті:

• Ғылым басымдықтарын айқындаудың жаңа 4 деңгейлі моделіне көшу;

• экономиканың стратегиялық маңызды салаларына ресурстарды шоғырландыру;

• халықаралық ғылыми ынтымақтастықты дамыту;

• Кореяның KISTI институтымен бірлесіп AI SilkNet орталығын іске қосу;

• жасанды интеллект технологияларын қолдану арқылы су ресурстарын басқаруға арналған DeepBas цифрлық платформасын енгізу;

• ғылымды бизнес сұранысына және нақты нәтижеге бағдарланған модельге көшіру.

Қазақстан Республикасының Жоғары аудиторлық палатасының төрағасы Ә.Ә. Смайылов Академияның ұсынымдары отандық ғылымды институционалдық тұрғыдан одан әрі дамыту және ғылыми саланы басқару тетіктерін жетілдіру үшін маңызды екенін атап өтті.

Сонымен қатар, Жоғары аудиторлық палата Ұлттық ғылым академиясының жоғары ғылыми ұйымды ҚР ҒЖБМ Ғылым комитетіне жыл сайынғы қысқамерзімді қызмет көрсету форматына емес, заңды тұлғаларға трансферт беру тетігі арқылы 3–5 жылдық орта мерзімді қаржыландыру жүйесіне көшіру жөніндегі ұсынысын қолдады. Бұл өзгеріс Академияның автономды әрі тәуелсіз ұйым ретіндегі мәртебесін нығайтып, стратегиялық міндеттерді шешуге бағытталады.

Жаңалықтар

ҚАЗАҚСТАН РЕСПУБЛИКАСЫНЫҢ ЖОҒАРЫ АУДИТОРЛЫҚ ПАЛАТАСЫ ҚР ҰЛТТЫҚ ҒЫЛЫМ АКАДЕМИЯСЫНЫҢ ҰСЫНЫСТАРЫН ҚОЛДАДЫ