2025 жылғы 20 тамызда ҚР Президентінің жанындағы ҚР Ұлттық ғылым академиясында Ғылыми редакторлар кеңесінің алғашқы отырысы өтті. Кеңестің алғашқы құрамына төмендегі ғылыми журналдардың бас редакторлары кірді:

Гайпов Абдужаппар Эркинович, медицина ғылымдарының кандидаты, қауымдастырылған профессор, Назарбаев университеті, Journal of Clinical Medicine of Kazakhstan (https://www.clinmedkaz.org);

Уралбеков Болат Муратович, химия ғылымдарының кандидаты, профессор, Әл-Фараби атындағы Қазақ ұлттық университеті, әл-Фараби атындағы Қазақ ұлттық университетінің Хабаршысы. Химия сериясы (https://bulletin-chemistry.kaznu.kz);

Молдашев Кайрат Булатович, PhD, SDU University, Buketov Business Review (https://bbr.buketov.edu.kz);

Темиргазина Зифа Какбаевна, филология ғылымдарының докторы, профессор, А.Х. Марғұлан атындағы Павлодар педагогикалық университеті, Тіл және әдебиет: теория және практика (https://yazlit.ppu.edu.kz);

Утепов Елбек Бахитович, PhD, профессор, Л.Н. Гумилев атындағы Еуразия ұлттық университеті, Technobius (https://technobius.kz);

Булашев Айтбай Кабыкешович, ветеринария ғылымдарының докторы, профессор, С. Сейфуллин атындағы Қазақ агротехникалық зерттеу университеті, С. Сейфуллин атындағы Қазақ агротехникалық зерттеу университетінің Ғылым хабаршысы: Ветеринария ғылымдары (https://bulletinofscience.kazatu.edu.kz/.../veterinary...).

Академия Президенті Akhylbek Kurishbayev өз сөзінде жаңадан құрылған Ғылыми редакторлар кеңесі редакциялық саясаттың бірыңғай қағидаттарын қалыптастыруға, жарияланымдардың сапасын арттыруға, әділетсіз жарияланымдық тәжірибелермен күресуге, сондай-ақ қазақстандық журналдарды халықаралық ғылыми деректер қорына енгізуді ілгерілетуге арналған маңызды алаңға айналатынын атап өтті.

ҚР Ғылым және жоғары білім министрлігі ҚР ҒЖБМ Ғылым мен жоғары білім сапасын қамтамасыз ету комитетінің төрағасы Тойбаев А.Ж. өз сөзінде Кеңестің құрылуын қолдап, оның отандық ғылыми басылымдардың сапасын арттырудағы қызметіне сәттілік тіледі.

Кеңестің төрағасы болып ашық дауыс беру нәтижесінде Гайпов Абдужаппар Эркинович сайланды. Оның өкілеттік мерзімі – 3 жыл.

Академия жанындағы ғылыми және ғылыми-техникалық даму жөніндегі аналитикалық орталықтың директоры Кенесов Б.Н. өз баяндамасында орталық Кеңесті қажетті наукометриялық деректермен қамтамасыз ететінін жеткізді. Сонымен қатар ол қазақстандық ғалымдардың жарияланымдық белсенділігіне қатысты соңғы деректерді, еліміздегі журналдарды рейтингтеу мәселелерін таныстырып, Финляндиядағы ғылыми журналдарды жіктеу жүйесінің үлгісін келтіріп, соған ұқсас қазақстандық жүйені енгізу мүмкіндігін талқылауды ұсынды.

Қазақстандық ғылыми журналдардың дамуына қатысты мәселелерді талқылау барысында Кеңес төрағасы Гайпов А.Э., сондай-ақ мүшелері Утепов Е.Б., Темиргазина З.К., Булашев А.К. мынадай түйткілдерді атап өтті: қазақстандық журналдардың халықаралық деректер базасындағы көрсеткіштерін арттырудағы қиындықтар, қолжетімді әрі сенімді онлайн қолжазба қабылдау және рецензиялау жүйесінің болмауы, қаржылай қолдаудың жеткіліксіздігі.

Кеңестің жаңа мүшелері шақыру арқылы қабылданады.

Жаңа мүшелер Ереже талаптарына сәйкес белгіленген критерийлер бойынша іріктелeді. Ал журналдарға сараптамалық бағалау жүргізу үшін Кеңес тәуелсіз сыртқы сарапшыларды тартуға құқылы.

Ғылыми редакторлар кеңесінің мүшелерін іріктеу өлшемшарттары

https://1drv.ms/.../EaFlxDeHB19DlbJjvms-pSgBvzxowWL...

Жаңалықтар

ҚР Ұлттық ғылым академиясы жанындағы ғылыми редакторлар кеңесінің алғашқы отырысы өтті