Алматыда Президент жанындағы Ұлттық ғылым академиясының президенті Ақылбек Күрішбаев Қытай Халық Республикасының Қазақстандағы елшісі Хань Чуньлинмен кездесті.
Кездесуге ҚХР Алматыдағы бас консулы Цзян Вэй, ғылым және білім жөніндегі консул Чжан Вэй, ғылыми зерттеу орталықтарының жетекшілері, ғалымдар қатысты.
Екі ел ғалымдары Чжэцзян технологиялық университеті, ҚХР жоғары технологиялық компаниялар тобымен бірлесіп ашылған «Қазақстан-Қытай ғылым және технологияны трансферлеу орталығының» жұмысымен танысып, ауыл шаруашылығы өнімдерінің өнімділігін арттыру, суды үнемдеу технологияларын дамытуға байланысты жобаларды талқылады.
Тараптар мұнымен қоса Чжэцзян технологиялық университетімен келісімге орай ашылатын «Кеңістіктік-уақыттық жасанды интеллект және тұрақты даму жөніндегі халықаралық бірлескен зертхананың» жобасымен танысып, жасанды интеллект және геоақпараттық жүйелер технологияларын қолдану арқылы су ресурстарын мониторинг жасау, табиғат апаттарының алдын алу, ауыл шаруашылығын цифрландыру және «ақылды егіншілік» технологияларын енгізудің өзектілігін атап өтті.
Толық мақала мәтіні: https://egemen.kz/article/381957-zhasandy-intellekt-salasyna-mamandar-dayarlanady
EGEMEN QAZAQSTAN
18.02.2025
Эльвира СЕРІКҚЫЗЫ
