Қандай қоғам болса да ғылым оның жетекші күші екені баршамызға мәлім. «Дүние де өзі, мал да өзі, ғылымға көңіл берсеңіз» деп хакім Абай айтқандай, ғылымды басшылыққа алған ел ғана дамудың алдыңғы қатарынан көріне алады.
Өкінішке қарай, осы өмір шындығын біз егемендігімізге қол жеткізген уақыт аралығында жадымыздан шығарып алып, ғылымды ұйымдастырудағы талай мүмкіндігімізден айырылып қалдық. Сол себептен де экономикамыздың дамуы негізінен шикізаттық бағыттан шыға алмай, тиімділігі мен бәсекелестігі төмен деңгейде қалып отыр. Әрине, оны орнына келтіру бір күндік тірлікпен шектелмейтін, инемен құдық қазғандай уақыт пен шыдамдылықты талап ететін күрделі жұмыс екені белгілі.
Мемлекет басшысының отандық ғылым мәселесіне ерекше көңіл бөліп, осы салада түбегейлі өзгерістерді жүргізу мен қаржыландыру көлемін арттыру жөнінде берген нақты тапсырмалары ғылымның дамуына жаңа серпіліс беріп жатыр. Оған дәлел – жаңадан қабылданған «Ғылым мен технологиялық саясат туралы» заң, кейінгі жылдары ғылым саласын қаржыландырудың 3,5 есеге артқаны, соның ішінде Ұлттық ғылым академиясының қайта құрылып, оған ерекше мәртебе берілгені.
Мақаланың торлық нұсқасы: https://egemen.kz/article/383391-zertteu-men-ondiristi-uylestiru-basymdyghy
Ақылбек КҮРІШБАЕВ,
Ұлттық құрылтай мүшесі, Президент жанындағы Ұлттық ғылым академиясының президенті