Хабарламалар

ҚР ПРЕЗИДЕНТІНІҢ ЖАНЫНДАҒЫ ҚР ҰЛТТЫҚ ҒЫЛЫМ АКАДЕМИЯСЫ

АХМЕТ БАЙТҰРСЫНҰЛЫ атындағы ТІЛ БІЛІМІ ИНСТИТУТЫ

ӘЛ-ФАРАБИ атындағы ҚАЗАҚ ҰЛТТЫҚ УНИВЕРСИТЕТІ

ХАЛЫҚАРАЛЫҚ ТҮРКІ АКАДЕМИЯСЫ

ХАЛЫҚАРАЛЫҚ «ҚАЗАҚ ТІЛІ» ҚОҒАМЫ

 

ҚР Президентінің жанындағы ҚР Ұлттық ғылым академиясы Қазақстан Республикасы Ғылым және жоғары білім министрлігі Ғылым комитетінің Ахмет Байтұрсынұлы атындағы Тіл білімі институты, Әл-Фараби атындағы Қазақ ұлттық университеті, Халықаралық Түркі Академиясы және Халықаралық «Қазақ тілі» қоғамы бірлесіп,  2025 жылғы 10-11 қазанда  көрнекті ғалым, Қазақстан Республикасы Ұлттық ғылым академиясының академигі, филология ғылымының докторы, профессор Шора Шамғалиұлы Сарыбаевтың  туғанына 100 жыл толуына арналған «ЖАҺАНДАНУ ДӘУІРІНДЕГІ ТІЛ ҒЫЛЫМЫ, ФИЛОЛОГИЯ ЖӘНЕ ТҮРКІТАНУДЫҢ ӨЗЕКТІ  МӘСЕЛЕЛЕРІ» атты  түркологиялық конгресс өткізеді.

 

Конгресс аясында академик Шора Шамғалиұлы Сарыбаевтың ғылыми мұрасынан бастау алатын қазақ тіл білімі, филология, түркітану бойынша жаңа ғылыми парадигмалар талқыланатын болады. Конгреске қоғам қайраткерлері, қазақ тілтанымы, түркітану, филология, лингвистика бойынша отандық және шетелдік ғалымдар, сондай-ақ жазушылар мен БАҚ өкілдері қатысады.

 

Конгресс жұмысының негізгі бағыттары:

•  Академик Шора Сарыбаевтың ғылыми мұрасы
•  Қазақ диалектологиясының өзекті мәселелері
•  Түркі тілдері диалектологиясы: салыстырмалы-тарихи және ареалдық зерттеулер
•  Алтаистика және түркітану: тарихи-генетикалық байланыстар мен салыстырмалы зерттеулер
•  Қазақ тілінің тарихы
•  Қазақ лексикологиясы мен лексикографиясы: тарихы, проблемалары мен зерттеудің жаңа аспектілері
•  Антропоөзектік парадигмадағы лингвистикалық зерттеулер: лингвокогнитология, этнолингвистика, әлеуметтік лингвистика, психолингвистика
•  Терминологияның өзекті мәселелері: нәтижелер мен жаңаша көзқарастар
•  Корпустық лингвистика және Қазақ тілінің ұлттық корпусын әзірлеу мен қолдану тәжірибесі
•  Білім беру жүйесіндегі тіл білімі: оқу бағдарламалары, оқулықтар және әдістемелік инновациялар.

 

Конгреске қатысушылар:

• Қазақстан Республикасының Президенті Қасым-Жомарт Тоқаевтың құттықтау сөзі, Алматы қаласы әкімі Дархан Сатыбалды;
• Қазақстан Республикасының Ғылым және жоғары білім министрі Саясат Нұрбек
• ҚР Президентінің жанындағы ҚР Ұлттық ғылым академиясының президенті Күрішбаев Ақылбек Қажығұлұлы;
• Халықаралық Түркі Академиясының президенті Шаһин Мұстафаев;
• Халықаралық «Қазақ тілі» қоғамының президенті Рауан Кенжеханұлы;
• Әл-Фараби атындағы Қазақ ұлттық университеті Басқарма Төрағасы – Ректоры Жансейіт Қансейітұлы Түймебаев;
• Әлішер Навои атындағы Өзбек тілі мен әдебиеті университетінің ректоры Сражеддин Шұхрат;
• «Манас» қырғыз-түрік университетінің профессоры, ф.ғ.д. Қадыралы Қоңқобаев;
• Мугла Сытки Кочман университетінің доценті, ф.ғ.д. (Түркия) Кенан Коч;
• Turkish Academy of Sciences (TÜBA), Professor Dr. Turgay Anar;
• ҰҒА құрметті академигі, ф.ғ.д., профессор Кәрімбек Құрманалиев

 

Конгресте академик Шора Сарыбаевтың ғылыми мұрасына қатысты 6 кітаптың таныстырылымы жоспарлануда:

1) Сарыбай М.Ш. Филологтің әлемі: Шора Сарыбаев. – Алматы: Ел-Шежіре,

2) Ш.Ш.Сарыбаев. Қазақ тіл білімі бойынша толық шығармалар жинағы (Тіл білімі институты);

3) Ш.Ш.Сарыбаев. Қазақ тіл білімі және Түркітану әдебиетінің библиографиялық көрсеткіші (А.Фазылжан, М.Ш.Сарыбай);

4) Ш.Ш.Сарыбаев: Ғалым және Тұлға (Халықаралық Қазақ тілі қоғамы және Шам-Шырақ қоры)

5) Ш.Х.Сарыбаев. Қазақ тілін оқыту әдістемесі мен мақалалар жинағы (әл-Фараби университеті);

6) Шора Шамғалиұлы Сарыбаевтың  туғанына 100 жыл толуына арналған «Жаһандану дәуіріндегі тіл ғылымы, филология және түркітанудың өзекті  мәселелері» атты түркологиялық конгресс материалдары.

 

           Конгрестің жұмыс тілі – қазақ, түрік, орыс, ағылшын тілдері

           Форматы: офлайн, онлайн (ZOOM: https://zoom.us/j/2471639702)

 

Өтетін уақыты: 10-11 қазан, 2025 жыл. Сағат: 09:00

Өтетін орны: Қазақстан Республикасы, Алматы қаласы, ҚР Ұлттық ғылым академиясы (пленарлық отырыс), Шевченко көшесі, 28;

Әл-Фараби атындағы ҚазҰУ-дің кітапханасы (панельдік секциялар), Корпус 7.

 

Конгресті ұйымдастырушылармен байланыс жасау және ақпарат алу:

Байланыс тел.:Әлиханов Қуантар +7 775 943 0305