Бейжің, 2025 жылғы 2 қыркүйек.

Қазақстан-Қытай бизнес-форумы аясында, Қазақстан Республикасының Президенті мен Қытай Халық Республикасы Төрағасының қатысуымен, Кеңістіктік-уақыттық жасандыинтеллект саласындағы Қазақстан-Қытай ғылыми-технологиялық инновациялар альянсын құру және «Бір белдеу — бір жол» Бірлескен зертханасын қалыптастыру туралы Келісімге қол қойылды.

Салтанатты рәсім екі ел басшыларының қатысуымен өтті және ҚР Президентінің жанындағы ҚР Ұлттық ғылым академиясы президенті А.Күрішбаевтың ҚХР-ға ресми сапарының басты оқиғаларының бірі болды.

Халықаралық әріптестік.

Альянстың құрылтайшылары: ҚР Президентінің жанындағы ҚР Ұлттық ғылым академиясы, Чжэцзян технологиялық университеті (ҚХР), Қазақ ұлттық аграрлық зерттеу университеті және Zhejiang Zhonghe Technology Co., Ltd. (ҚХР).

Альянс ғылым, білім мен өнеркәсіптің өзараықпалдастығын жеделдету, трансшекаралық технологиялар трансферін дамыту және Қазақстан мен өңірде жасанды интеллект индустриясын жаңғыртуға арналған ашық платформа ретінде құрылып отыр.

Негізгі бағыттар:

• Кеңістіктік-уақыттық интеллект және тұрақты даму жөніндегі бірлескен зертхананы дамыту;

• Қазақстандағы алғашқы ірі жасанды интеллект тілдік моделін DeepBas әзірлеу;

• ТЖ, экология, энергетика және тұрақты даму салаларынаарналған ЖИ сервистік платформасын құру;

• Спутниктік технологияларды, ұшқышсыз жүйелерді, сенсорлар мен «Бэйдоу» навигациясын интеграциялау;

• Бірлескен білім беру бағдарламалары арқылы кадрлардаярлау, оқытушылармен алмасу, жаңа оқулықтар мен оқу ресурстарын шығару.

Күтілетін нәтижелер.

Алдағы бес жылда Қазақстан мен Қытайда бакалавриат, магистратура және докторантура бағдарламалары бойынша кемінде 100 студентті дайындау, сондай-ақ жыл сайын 200-ден астам маманды кәсіби оқытужоспарланған. Маңызды нәтижелердің бірі — DeepBas моделін енгізу, экологиялық мониторинг жүйелерін, смарт ауыл шаруашылығын, көлік және энергетикалық қауіпсіздік шешімдерін дамыту болмақ.

Стратегиялық маңызы.

Альянс ҚР Президентінің ҚХР-ға ресми сапары барысында жоғары деңгейде қол қойылған негізгі құжаттар құрамына еніп және Орталық Азиядағы ғылыми-технологиялық ынтымақтастықты нығайтудағы маңызды қадам ретінде қарастырылады.

Қазақстан үшін — ауыл шаруашылығы, көлік және энергетика салаларына озық технологияларды енгізу құралы ретінде;

Қытай үшін — аймақтағы ғылыми-білім беру және технологиялық ынтымақтастықты кеңейту мүмкіндігі ретінде.

Ұзақ мерзімді перспективада «Бір белдеу — бір жол» бастамасы аясындағы ынтымақтастық білім мен технологиялардың тиімді трансферін қамтамасыз етіп, өңірдің ғылыми-білім беру әлеуетін нығайтады және жаңабуын зерттеушілер мен мамандарды даярлауға жол ашады.

Жаңалықтар

ҚАЗАҚСТАН МЕН ҚЫТАЙДЫҢ ЖАҢА ТЕХНОЛОГИЯЛЫҚ АЛЬЯНСЫ: ЖАСАНДЫ ИНТЕЛЛЕКТ ЖӘНЕ БОЛАШАҚ ИННОВАЦИЯЛАРЫ