2025 жылғы 14 наурызында ҚР Президентінің жанындағы ҚР Ұлттық ғылым академиясы мен Цифрлық даму, инновациялар және аэроғарыш өнеркәсібі министрлігінің Аэроғарыш комитетімен бірлесе, ғарыш технологияларын дамыту саласында қызмет атқаратын жетекші компаниялар және жоғары оқу орындары мен ғылыми зерттеу институттарыдың өкілдерінің қатысумен дөңгелек үстел өткізді.
Іс-шара «Қазақстан Ғарыш Сапары» ҰК» АҚ Ұлттық ғарыш орталығында (ҰҒО) өтті. Дөңгелек үстел негізгі мақсаты қазақстандық ғарыштық зерттеулер саласында жүргізіліп жатқан нақты жобалармен ғылыми қауымдастықты таныстыру, жаңа әзірлемелер туралы айту және проблемалық сұрақтарды талқылау болды. Іс-шара барысында сала өкілдері жерді қашықтықтан зондтау жүйелері, спутниктік навигация, ғарыш аппараттарына арналған компоненттер саласындағы жаңа әзірлемелер сияқты бірқатар жобаларды таныстырды.
ҚР Ұлттық ғылым академиясы тарапынан дөңгелек үстел қатысушыларының назарына ғылым форсайты аясында анықталған тақырыптар бойынша БНҚ үшін ғылыми-техникалық тапсырмалар жобаларын әзірлеу бойынша жүргізілетін жұмыстарға барлық мүдделі тараптардың қатысуының маңыздылығына туралы ақпарат ұсынды, бұл дөңгелек үстелге қатысушылардың қолдауына ие болды. Сонымен қатар, қатысушылар бірлестік, компаниялардың, университеттердің, зерттеу институттарының консорциумдарын құрудың және кадрлар даярлаудың маңыздылығы атап өтті.
Қатысушылар болашақ бірлестіктердің перспективаларын қарастыру, бірлескен жобаларды іске асыруға болатын тақырыптарды талқылау, қолда бар мәселелерді шешу жолдарын іздеу үшін осындай іс-шараларды өткізудің өзектілігі мен маңыздылығын атап өтті.
