Мемлекет басшысының ағымдағы жылдың 14 наурызында Ұлттық құрылтайдың төртінші отырысында айтылған тапсырмаларын іске асыру мақсатында: «10 жыл ішінде Қазақстан астықты терең өңдеу өнімдерін әлемдік өндірушілер мен жеткізушілердің ондығына кіруі тиіс» (Ақорда ресми сайтына сілтеме — https://akorda.kz/kz/memleket-basshysy-kasym-zhomart-tokaevtyn-ulttyk-kuryltaydyn-tortinshi-otyrysynda-soylegen-sozi-14242) Қазақстан Республикасы Президентінің жанындағы Ұлттық ғылым академиясы (бұдан әрі – Академия) 18 наурыз 2025ж. Қытайдың ірі мемлекеттік COFCO technology & INDUSTRY (бұдан әрі – COFCO TI) компаниясымен «Азық-түлік өнімдерін қайта өңдеудегі болашақ технологиясы: ғылыми зерттеулерден өнеркәсіптік шешімдерге» тақырыбындағы халықаралық дөңгелек үстел өткізді.
COFCO — Қытайдағы ең ірі азық-түлік компаниясы және ғылыми-техникалық прогресс пен технологиялық инновациялардың өңдеу және тамақ өнімдері бойынша көшбасшысы.
Отырыста Академияның Бас ғалым хатшысы И.Т. Тоқбергенов, COFCO TI Бас директоры Герберт Чен, Академияның агробиоресурстар және экология ғылымдары орталығының басшысы Ж.С. Алманова және Қазақ қайта өңдеу және тамақ өнеркәсібі ғылыми-зерттеу институтының жетекші ғылыми қызметкері Н. Б. Даутканов сөз сөйледі, сондай-ақ жиынға жетекші ғалымдар мен бизнес өкілдері қатысты.
Кездесуде Қазақстанның астық егетін өңірлерінде қайта өңдеу және тамақ өнеркәсібі бойынша интеграцияланған ғылыми-өндірістік кластерлер құру мәселелері талқыланды. Ауыл шаруашылығы қайта өңдеу мен тамақ өнеркәсібіне инновацияларды енгізуге, сондай-ақ қазіргі заманғы нарықтың қажеттіліктеріне бағдарланған жаңа функционалдық және пайдалы өнімдерді әзірлеуге бағытталған ғылыми-өндірістік орталықтарды (R&D орталықтарын) құру ұсынылды.
Сондай-ақ, кадрлар даярлау мәселелері талқыланды. Азық-түлік технологиялары, биотехнологиялар, экологиялық қауіпсіздік және қайта өңдеудің инновациялық әдістері саласында білімі бар мамандарды даярлаудың, сондай-ақ өндірістік желілерде жаңа технологияларды енгізу үшін жұмысшыларды даярлаудың маңыздылығы атап өтілді. Қатысушылар кәсіпорындарға саланың заманауи талаптары мен трендтеріне бейімделуге көмектесетін біліктілікті арттыру курстары мен шеберлік сыныптарын құруды ұсынды.
Халықаралық дөңгелек үстелдің қорытындысы бойынша Академия COFCO TI-мен бірлесіп өңдеу және тамақ өнеркәсібін перспективалы және тиімді дамыту жөніндегі жобаның халықаралық бес жылдық ғылыми-өндірістік жоспарын әзірлеу, сондай-ақ ынтымақтастық туралы келісімді дайындау және қол қою туралы шешім қабылдады.
