2024 жылдың 24 желтоқсанында Мұхамеджан Тынышпаев атындағы ALT университетінде Қазақстан Республикасы Президентінің жанындағы Қазақстан Республикасының Ұлттық ғылым академиясының Жер, Ғарыш және Коммуникациялар туралы ғылымдар орталығының «Көлік» ғылымы секциясының жылдық қорытынды отырысы өтті. Отырыста көліктегі стандарттаудың өзекті мәселелері талқыланып, ұсыныстар әзірлеу бойынша пікір алмасылды. Сонымен қатар, секцияның 2024 жылғы жұмыс қорытындысы мен 2025 жылға арналған жұмыс жоспарының жобасы ұсынылды.
Күн тәртібіндегі бірінші мәселе бойынша Б.Б. Телтаев (т.ғ.д., профессор, академик Ө.А. Жолдасбеков атындағы Механика және машинатану институтының бас ғылыми қызметкері, секция төрағасы) сөз сөйлеп, қоғам өмірінің сапасын қамтамасыз етуде стандарттаудың маңыздылығын және ғылым мен стандарттаудың өзара байланысын атап өтті. Ол сондай-ақ автожол саласын стандарттауда орын алған бірнеше жағымсыз мысалдарды келтірді. Отырыста талқылауға Е.А. Жайлаубеков (т.ғ.к., ALT университетінің профессоры), Г.А. Еспаева (т.ғ.к., профессор, ALT Президенті-Ректорының кеңесшісі), В.Г. Солоненко (т.ғ.д., ALT университетінің профессоры) қатысты.
Екінші мәселе бойынша, секция төрағасы Б.Б. Телтаев секцияның 2024 жылғы жұмыс қорытындысын жариялады. Жоспарға сәйкес, көлік саласының өзекті мәселелері талқыланып, аналитикалық жазбалар дайындау үшін ұсыныстар жиналды. Секцияның жұмыс жоспары толық және белгіленген мерзімде іске асырылды. Сонымен қатар, секция мүшелері жыл бойы Академия өткізген конференциялар, форумдар, дөңгелек үстелдер сияқты іс-шараларға қатысқанын атап өтті. Ашық дауыс беру арқылы секция жұмысы бірауыздан қанағаттанарлық деп қабылданды.
Үшінші мәселе бойынша Б.Б. Телтаев 2025 жылға арналған жұмыс жоспарын әзірлеу туралы сөз қозғады. Ол секция мүшелеріне 17 қаңтарға дейін жоспарға ұсыныстар жасауды және 2025 жылғы 25 қаңтарға дейін жоспар жобасын дайындауды ұсынды. Алдағы жыл үшін секция отырыстарының екі айда бір рет өткізілуі жоспарланды. Сонымен қатар, 2025 жылы көлік салаларында форсайттық зерттеулер жүргізу және 2025 жылы мегагранттар үшін өзекті тақырыптарды қарастыру туралы шешім қабылданды. Отырыста Секция жұмысын дамытқаны үшін бірнеше тұлғалар марапатталды. Қазақстан Республикасы Президентінің жанындағы Қазақстан Республикасының Ұлттық ғылым академиясының Басқарма-Президентінің Алғыс хатымен «Мұхамеджан Тынышпаев атындағы ALT Университеті» АҚ Директорлар кеңесінің төрағасы А.Б. Серіктегі, ALT Президенті-Ректорының кеңесшісі А.М. Салықбаев және «Мұхамеджан Тынышпаев атындағы ALT Университеті» АҚ құрылтайшысы Г.Б. Серікова марапатталды. Сонымен қатар, Е.А. Жайлаубеков, К.Б. Алдамжаров және А.Н. Нысанғалиев Қаныш Сәтбаевтың 125-жылдық мерейтойы медалімен, ал Қ.Т. Көшеков, Е.Қ. Чупеков, Ж.Ж. Жұмаев және Е.Т. Ауесбаев Мұхамеджан Тынышпаевтың 145 жылдық мерейтойы медалімен марапатталды.
Отырыс барысында қатысушылар келесі жылға арналған мақсаттар мен міндеттерді айқындап, көлік саласындағы ғылыми зерттеулердің тиімділігін арттыру бойынша ұсыныстар жасады.
