ҚАЗАҚСТАН РЕСПУБЛИКАСЫ ПРЕЗИДЕНТІНІҢ ЖАНЫНДАҒЫ ҰЛТТЫҚ ҒЫЛЫМ АКАДЕМИЯСЫ ХАЛЫҚАРАЛЫҚ ЫНТЫМАҚТАСТЫҚТЫ НЫҒАЙТУДА!
22 маусым күні ҚР ҰҒА-да Қытай Халық Республикасының Ганьсу провинциясының Ғылым және технологиялар қауымдастығы делегациясымен кездесу өтті.
Келіссөздер барысында тараптар бірлескен ғылыми зерттеулердің перспективаларын, технологиялар трансферін, академиялық алмасуларды және инновациялық жобаларды іске асыру мәселелерін талқылады.
Кездесудің маңызды нәтижесі ғылыми-технологиялық ынтымақтастық туралы өзара түсіністік туралы меморандумға қол қою болды. Бұл құжат аграрлық ғылым, экология, инновациялар және ғылыми кадрларды даярлау салаларындағы серіктестікті дамытуға жаңа мүмкіндіктер ашады.
Қол жеткізілген келісімдер халықаралық деңгейдегі бірлескен жобаларды іске асыруға ықпал етеді деп сенеміз.
